"Udineze" rahbarlari italiyalik yosh himoyachi Destini Udogini "Tottenxem"ga qo‘yib yubormoqchi emas.
Udine klubi bosh direktori Piyerpaolo Marino jurnalistlarga jamoa 19 yoshli italiyalik futbolchini muvaffaqiyatli mavsumdan keyin “Tottenxem”ga sotmasligini aytdi. "Shporlar" haqiqatan ham o‘z safiga yosh himoyachini qo‘shib olishni xohlaydi. Nufuzli portal Udogining narxini 17 million yevroga baholamoqda.
O‘tgan mavsumda Destini Udogi Italiya chempionatida 35 ta o‘yin o‘tkazib, 5 ta gol va 4 ta golli uzatmaga mualliflik qilgan.