"Лестер" ярим ҳимоячиси Юри Тилеманс фаолиятини "Арсенал"да давом эттириши мумкин. "Канонирлар" раҳбарияти аллақачон "тулкилар" билан футболчининг трансфери бўйича музокараларни бошлаб юборган, дея хабар беради журналист Фабрицио Романо.
Аввалроқ, "канонирлар" футболчи учун тахминан 50 миллион евро тўлашга тайёр экани ҳақида маълумотлар пайдо бўлганди.
Бельгиялик ярим ҳимоячининг "Лестер" билан шартномаси 2023 йилда тугайди. Шунингдек, Юрига "Реал" ва "Ливерпуль" ҳам қизиқиш билдираётгани хабар қилинганди.
