"Наполи" ҳужумчиси Виктор Осимхен ҳали ҳамон "Арсенал"нинг асосий трансфер мақсади бўлиб қолмоқда, дея хабар беради Football London.
“Канонирлар” футболчи учун "Наполи"га рекорд даражадаги 98 миллион евро таклиф қилишди.
Неаполликлар ҳозирча жавоб беришмади. Аввалроқ улар “канонирлар”нинг футболчи борасидаги биринчи таклифини рад этишганди.
23 ёшли ҳужумчи ўтган мавсумда барча турнирларда 32 ўйинда майдонга тушиб, 18 гол ва 6 голли узатмага муаллифлик қилган.