"Наполи" бош мураббийи Лусиано Спалетти неаполликлар клубини тарк этиши мумкин, деб хабар беради Sport.es.
Агар ҳимоячи Калиду Кулибали сотилса, италиялик мураббий истеъфога чиқади. Мутахассис ўзининг принципиал қарори ҳақида клуб раҳбариятини хабардор қилган.
Олдинроқ, Кулибали "Наполи"да қолиш учун маошини камайтиришга тайёрлиги ҳақида хабар берилганди. У сардор бўлмоқчи ва жамоада фаолиятини якунламоқчи.
2021/22 йилги мавсумда ҳимоячи барча мусобақаларда 34 та ўйинда майдонга тушиб, 3 та гол урди ва 3 та голли узатмани амалга оширди.
