"Интер" ярим ҳимоячиси Артуро Видал фаолиятини "Бока Хуниорс"да давом эттиришга қарши эмаслигини айтди. 35 ёшли футболчининг келажаги унинг агенти Фернандо Фелисевичга боғлиқ.
"Мен "Бока Хуниорс"га ўтишни истардим, лекин ҳаммаси Фернандога боғлиқ", - дейди Видаль.
Аввалроқ ярим ҳимоячига "Фламенго" ҳам қизиқиш билдираётгани ҳақида хабарлар тарқалган эди.
Видаль “Интер” сафида 2020 йилнинг сентябридан буён тўп суради. 2021/22 йилги мавсумда ярим ҳимоячи 41 та ўйин ўтказиб, 2 та гол ва 4 та голли узатмани амалга оширган. Transfermarkt портали футболчининг нархини 2 миллион еврога баҳоламоқда.
