"Inter" yarim himoyachisi Arturo Vidal faoliyatini "Boka Xuniors"da davom ettirishga qarshi emasligini aytdi. 35 yoshli futbolchining kelajagi uning agenti Fernando Felisevichga bog‘liq.
"Men "Boka Xuniors"ga o‘tishni istardim, lekin hammasi Fernandoga bog‘liq", - deydi Vidal.
Avvalroq yarim himoyachiga "Flamengo" ham qiziqish bildirayotgani haqida xabarlar tarqalgan edi.
Vidal “Inter” safida 2020 yilning sentyabridan buyon to‘p suradi. 2021/22 yilgi mavsumda yarim himoyachi 41 ta o‘yin o‘tkazib, 2 ta gol va 4 ta golli uzatmani amalga oshirgan. Transfermarkt portali futbolchining narxini 2 million yevroga baholamoqda.
