"Интер" раҳбарияти ҳужумчи Андреа Пинамонтини жамоага қайтармоқчи, дея хабар беради Tuttomercatoweb.
Манбага кўра, 23 ёшли футболчи сўнгги йилларда "Интер" таркибидан жой олмагани учун ижара асосида ўйнаётган эди. Энди миланликлар ҳужумчини жамоага қайтаришмоқчи. Унга "Фиорентина" ва "Монца" клублари ҳам қизиқиш билдирмоқда.
Андреа Пинамонти ўтган мавсумда "Эмполи"да ижара асосида ўйнади. А Серияда у 36 та ўйин ўтказиб, 13 та гол ва 2 та голли узатмага муаллифлик қилган.