Бугун Ўзбекистон мезбонлигида ўтган 23 ёшгача бўлган футболчилар ўртасидаги Осиё Кубоги якунланди. Турнирнинг финал учрашувида Ўзбекистон Саудия Арабистонига қарши майдонга чиқиб, 0:2 ҳисобида имкониятни бой берди.

Қизиғи саудияликлар чемпионлик йўлидаги 6 та учрашувда умуман гол ўтказиб юборишмади. Улар гуруҳ босқичида Тожикистон (5:0), Япония (0:0) ва БААга (2:0) қарши ўйин ўтказишган бўлса, плей-оффда Вьетнам ҳамда Австралия бир-ҳил 2:0 ҳисобида мағлуб этилди. Улар ҳудди шу ҳисобда финалда юртдошларимизни ҳам мағлуб этишди.

Шундай қилиб, Саудия турнир давомидаги 6 та ўйинда рақиблар дарвозасини 13 бор ишғол қилиб, ўз дарвозасидан бирорта гол ўтказмади.