Bugun O‘zbekiston mezbonligida o‘tgan 23 yoshgacha bo‘lgan futbolchilar o‘rtasidagi Osiyo Kubogi yakunlandi. Turnirning final uchrashuvida O‘zbekiston Saudiya Arabistoniga qarshi maydonga chiqib, 0:2 hisobida imkoniyatni boy berdi.
Qizig‘i saudiyaliklar chempionlik yo‘lidagi 6 ta uchrashuvda umuman gol o‘tkazib yuborishmadi. Ular guruh bosqichida Tojikiston (5:0), Yaponiya (0:0) va BAAga (2:0) qarshi o‘yin o‘tkazishgan bo‘lsa, pley-offda Vyetnam hamda Avstraliya bir-hil 2:0 hisobida mag‘lub etildi. Ular huddi shu hisobda finalda yurtdoshlarimizni ham mag‘lub etishdi.
Shunday qilib, Saudiya turnir davomidagi 6 ta o‘yinda raqiblar darvozasini 13 bor ishg‘ol qilib, o‘z darvozasidan birorta gol o‘tkazmadi.
