Россия терма жамоасининг ҳужумчиси Александр Кержаков Швейцариянинг Ньон шаҳрида кечган Россия ва Литва терма жамоалари ўртасидаги ўртоқлик учрашувидан сўнг (0:0) фикрлари билан ўртоқлашди.
"Нима уддаланмади, деб сўрайсизми? Гол уриш. Биз вазиятни кескинлаштиришни истагандик. Лекин шундай чиқдики, биз гол ура олмадик. Бу, сиз айтгандай терма жамоа жисмоний зўриқиш таъсирида ўйнади, дегани эмас. Менимча, шунчаки гол ура олмадик, холос.
Рақибга келсак, литваликлар қўпол ўйнадилар. Бизнинг мақсадларимиз турлича эди. Биз футбол ўйнадик, литваликлар бунга қўймадилар", - деди Кержаков ўйиндан сўнг.
