"Челси" ярим ҳимоячиси Рубен Лофтус-Чик фаолиятини "Лацио"да давом эттириши мумкин, деб хабар беради Metro.
Манбага кўра, 26 ёшли англияликнинг агенти ярим ҳимоячига "Лацио"дан жиддий қизиқиш борлигини айтган. Шахсан Маурицио Саррининг ўзи футболчини римликлар сафида кўрмоқчи.
Лофтус-Чик ўтган мавсумда 40та ўйин ўтказиб, 1та гол ва 5та голли узатмани амалга оширган. Transfermarkt портали футболчининг нархини 20 миллион еврога баҳоламоқда.