Мадриднинг "Реал" клуби яримҳимоячиси Месут Ўзил жамоасининг ўтган мавсумдаги ўйини ҳақидаги фикрлари билан ўртоқлашди.
Футболчи Германия терма жамоаси ва ўзининг ўйинлари ҳақида фикр билдиришни ҳам унутмади.
"Реал" сафида ўтказган биринчи мавсумимга қараганда ҳозир ўз ўйинимни ўстиришга эришдим, деб ҳисоблайман. Бу доим майдонга тушаётганим билан боғлиқ. Биринчи мавсумда эса мен янги эдим. Бундан ташқари "Реал"да кўп янги футболчилар бор эди. Шунинг учун, дастлабки пайтларда жамоага осон бўлмади. Энди эса бир текис ўйин намоиш қилмоқдамиз. Чемпионатда "Барселона"ни тўққиз очкога ортда қолдирганимиздан фахрланаман" - дейди Месут Ўзил.