"Челси" "Эвертон" ҳужумчиси Ришарлисон учун курашда фаворит сифатида кўрилмоқда. Британиянинг The Independent нашри хабарига кўра, "кўклар" бразилиялик футболчининг трансфери бўйича бошқа клублардан келган ҳар қандай таклифдан кўра кўпроқ маблағ тўлашга тайёр.
Эслатиб ўтамиз, аввалроқ Ришарлисоннинг ўзи ушбу трансфер ойнасида "Эвертон"ни тарк этиш истаги борлигини маълум қилган эди. Бразилиялик футболчи ўз қарори ҳақида бош мураббий Фрэнк Лэмпард ва "Эвертон" раҳбариятини хабардор қилган.
Ришарлисон хизматларига Лондоннинг бошқа клублари, жумладан, "Тоттенхэм" ва "Арсенал" ҳам қизиқиш билдирмоқда, аммо "Челси" бразилиялик футболчини қўлга киритиш учун ушбу жамоаларнинг таклифларини тўхтатишга тайёр.