“Манчестер Юнайтед” вакиллари “Аякс”нинг бразилиялик ҳужумчиси Энтонини трансферини якунлаш мақсадида Амстердамга етиб келишди.

Mirror нашри хабарига кўра, манчестерликлар 22 ёшли бразилиялик футболчининг трансферини 46 миллион еврога келишиб олган. Бунгача Энтони яқинда “қизил иблислар”ни қабул қилиб олган мураббий Эрик тен Хаг билан ишлаган. Яқин кунларда форварднинг трансфери расман эълон қилинади.

Эслатиб ўтамиз, ўтган мавсумда Энтони Нидерландия чемпионатида 23 та учрашув ўтказиб, 8 та гол ва 4 та голли узатмага муаллифлик қилган.