Дортмунднинг "Боруссия" клуби "Аякс" ҳужумчиси Себастьян Аллер учун 33 миллион евро таклиф қилди, аммо Амстердам клуби ўз футболчиси учун каттароқ сумма талаб қилмоқда. Бу ҳақда журналист Фабрицио Романо хабар берди.
Манбага кўра, немис жамоаси 27 ёшли футболчи билан шахсий музокараларда муаммога дуч келмаяпти, энди "Боруссия" "Аякс" билан тўлов миқдорини келишиб олиши керак.
Аллер 2021 йилнинг январида "Вест Хэм"дан 22,5 миллион евро эвазига Амстердам клубига келиб қўшилган эди.Францияда туғилган ивуарлик футболчи клуб учун 65та ўйинда 47та гол урган ва 16та голга ассистентлик қилган. Аллер ва Аякс ўртасидаги келишув 2025 йилда якунига етади.
