"Эвертон" ҳужумчиси Ришарлисон ўзини бошқа клубга сотишни талаб қилмоқда, дея хабар беради журналист Марк Дуглас.
Лондоннинг учта клуби 25 ёшли бразилиялик футболчига даъвогарлик қилмоқда: "Тоттенхэм", "Челси" ва "Арсенал".
Айни дамда бразилияликнинг трансфер қиймати Transfermarkt маълумотларига кўра, 48 миллион еврони ташкил қилмоқда.
Жорий мавсумда Ришарлисон барча мусобақаларда 32 та ўйинда 10 та гол урди ва 5 та голли узатмани амалга оширди. Ҳужумчининг клуб билан шартномаси 2024 йилнинг 30 июнига қадар амал қилади.