21 июнь куни "Арсенал" расмий сайтида "Порту" ярим ҳимоячиси Фабиу Виейранинг клубга ўтгани эълон қилинди. Инглиз клуби 22 ёшли ярим ҳимоячи билан узоқ муддатли шартнома имзолади.
“Канонирлар” ҳужумкор ярим ҳимоячининг трансфери учун Португалия клубига 40,5 миллион евро тўлайди.
Аввалроқ, бонуслар "Арсенал" Чемпионлар лигасига йўлланма олганида, шунингдек, футболчи клуб учун керакли миқдордаги ўйин ўйнаганида фаоллашиши ҳақида маълумотлар пайдо бўлганди.
Фабиу Виейра "Порту" тарбияланувчиси бўлиб, 2020 йилнинг июнь ойида жамоада дебют қилган.
Ўтган мавсумда Виейра португал жамоаси сафида барча турнирлар доирасида 39 ўйинда майдонга тушиб, 7 гол ва 16 голга ассистентлик қилган.
