«Ливерпуль» ҳужумчиси Садио Мане «Бавария»га ўтаётгани борасида фикр билдирди.
Мюнхенликлар бугун футболчининг трансферини расман эълон қилишади. Сенгеллик футболчи кеча «Бавария»да тиббий кўрикдан ўтди.
«Агентим менга «Бавария» қизиқиш билдираётгани ҳақида илк марта айтганида ҳаяжонландим. Мен ўзимни дарҳол бу жамоа сафида тасаввур қилдим. Бу мен учун керакли пайтдаги тўғри клуб бўлди», – деди Мане.
Мане 2025 йилгача бўлган шартнома имзолайди. Мюнхенликлар футболчи учун «Ливерпуль»га 42,5 миллион фунт тўлашади. Ҳужумчи фаолияти давомида давлат тили немис тили бўлган Австриянинг «Зальцбург» клубида ўйнаган.