«Liverpul» hujumchisi Sadio Mane «Bavariya»ga o‘tayotgani borasida fikr bildirdi.
Myunxenliklar bugun futbolchining transferini rasman e’lon qilishadi. Sengellik futbolchi kecha «Bavariya»da tibbiy ko‘rikdan o‘tdi.
«Agentim menga «Bavariya» qiziqish bildirayotgani haqida ilk marta aytganida hayajonlandim. Men o‘zimni darhol bu jamoa safida tasavvur qildim. Bu men uchun kerakli paytdagi to‘g‘ri klub bo‘ldi», – dedi Mane.
Mane 2025 yilgacha bo‘lgan shartnoma imzolaydi. Myunxenliklar futbolchi uchun «Liverpul»ga 42,5 million funt to‘lashadi. Hujumchi faoliyati davomida davlat tili nemis tili bo‘lgan Avstriyaning «Zalsburg» klubida o‘ynagan.