"Тоттенхэм" "Лидс" вингери Рафинья Диаз учун "Арсенал" ва "Барселона" билан рақобатлашмоқчи.

Бразилиялик футболчи ёзда ўз клубини ўзгартиришни кутмоқда, аммо "Лидс" ўз юлдузини қўйиб юборишга шошилмаяпти. Турли маълумотларга кўра, клуб раҳбарияти 55 дан 65 миллион еврогача бўлган трансферни сўрамоқда. Журналист Жанлуиджи Лонгари маълум қилишича, "Тоттенхэм" 25 ёшли футболчи учун 58 миллион евро ва эҳтимолий бонуслар кўринишида 11-12 миллион таклиф қилиб, курашга қўшилишга тайёр.

Рафинья Диаз Премьер-лиганинг сўнгги мавсумида “Лидс” сафида 35 та ўйинда майдонга тушиб, 11 та гол урди ва 3 та голли узатмани амалга оширди.