"Наполи" ярим ҳимоячиси Фабиан Руис клубнинг сўнгги шартномани узайтириш таклифини рад этди, деб хабар беради Correira Dello Sport.
Манбага кўра, 26 ёшли испаниялик футболчи Ла Лигага қайтишни орзу қилади. Бироқ неаполликлар ҳалигача Испаниядан таклиф олгани йўқ.
Аввалроқ, футболчига "Манчестер Сити"дан қизиқиш борлиги ҳақида хабарлар тарқалган эди. Шунингдек, футболчини сотиб олмоқчи бўлганлар орасида "Манчестер Юнайтед" ва "Арсенал" ҳам бор.
Руис ўтган мавсум А Серияда 31 та ўйинда майдонга тушиб, 7 та гол урди ва 4 та голли узатмани амалга оширди.