Журналист Николо Скиранинг хабар беришича, "Лацио" ҳимоячиси Франческо Ачерби жамоани тарк этиши мумкин.
Манбага кўра, 34 ёшли италиялик ёзги трансфер ойнасида кетиши мумкин. Футболчининг агентлари "Интер" ва "Милан" билан музокара олиб боришди.
Аввалроқ Ачерби фаолиятини А серияга етиб борган "Монца"да давом эттириши мумкинлиги хабар қилинганди.
Франческо ўтган мавсумда 36 ўйин ўтказиб, 4 гол ва 2 голга ассистентлик қилган. Transfermarkt портали футболчини 5 миллион еврога баҳоламоқда.