"Манчестер Сити"нинг бразилиялик ҳужумчиси Габриэл Жезус "Арсенал"га ўтиши кутилмоқда, дея хабар беради Goal.
Манбага кўра, Лондон клуби футболчи учун талаб қилинадиган 50 миллион еврони тўлашга тайёр. Аввалроқ, ҳужумчига "Челси" ҳам қизиқиш билдираётгани ҳақида хабарлар тарқалган эди.
25 ёшли Жезус ўтган мавсумда "Манчестер Сити" сафида барча турнирлар доирасида 41 ўйинда майдонга тушиб, 13 гол урди ва 12 голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.