"Бавария" бошқарув раиси Оливер Кан жамоа ҳужумчиси Роберт Левандовски билан боғлиқ вазиятга изоҳ берди.

Кан Mundo Deportivo нашрига берган интервюсида Левандовски билан боғлиқ вазият ҳеч қандай тарзда ўзгармаганини, клуб уни янги мавсумга тайёргарлик кўриш учун бўлажак йиғинда кутаётганини айтди. Футболчи "Барселона" ва бошқа жамоалар билан вариантларни қидирмоқда, бироқ унинг амалдаги шартномаси 2023 йилгача мўлжалланганлигини ёдда тутиши керак.

Олдинроқ полшалик ҳужумчи энди "Бавария"да ўйнашни истамаслигини айтганди. 33 ёшли Роберт Левандовскига асосий давогар каталониялик “Барселона” ҳисобланади.