"Бавария"нинг янги футболчиси Садио Мане собиқ жамоадоши билан хайрлашган "Ливерпуль" ҳужумчиси Муҳаммад Салоҳнинг постига жавоб қайтарди.
“Ишингизни қилишда давом этинг. Биродар, сиз энг зўрсиз", - деб жавоб берди Мане ижтимоий тармоқлардаги саҳифасида.
Маненинг "Бавария" билан шартномаси 3 йилга мўлжалланган. Аввалроқ мерсисайдликлар футболчи учун 35 миллион фунт стерлинг олиши хабар қилинганди.
Мане 2016 йилдан бери "Ливерпул"да ўйнаб келаётган эди. Бу вақт ичида у 269 ўйин ўтказиб, 120 гол урган ва 48 голга ассистентлик қилган.