"Интер" ярим ҳимоячиси Хоқон Чалханўғлу собиқ жамоадоши Златан Ибраҳимовичнинг айбловларига жавоб берди. Аввалроқ швециялик футболчи ўз китобида ярим ҳимоячини "Эриксен фожиасидан фойдаланиб, "Интер"га ўтганликда" айблаган эди.
“У китобида мен ҳақимда ёзган. Тўғри, у буни қилиши керак эди, акс ҳолда ўша саҳифаси бўш қолар эди. Лекин мен бу айбловларга жавоб бермайман” - деди Чалханўғлу Туркиянинг Tivibu Spor нашрига берган интервьюсида.
Эслатиб ўтамиз, Ибраҳимович "Милан"дан "Интер"га ўтганидан сўнг Чалханўғлуни бир неча бор хафа қилишга уриниб кўрди. "Россонерлар" чемпионлиги парадида швециялик футболчи мухлисларга: "Ҳоқонга хабар юборинглар" - деганди.