Клубда 20 йилдан бери 9-рақамда ўйнайдиган футболчиларнинг ўйини чиқмаяпти. Шу вақт мобайнида Лондон клубида кимлар айнан ушбу рақамда ҳаракат қилишга улгурди.
Эрнан Креспо (2003/2004)
Фаолиятининг энг юқори чўққисида Креспо "Челси"га ўтди, лекин ҳеч қачон клуб етакчисига айлана олмади. Эрнан яхши голлар урди, аммо жамоага келган Жозе Моуриньога у керак бўлмади ва ижарага кетишга мажбур бўлди.
Матея Кезман (2004/2005)
Кезман “Челси” билан 41 ўйинда атиги 7 та гол урган. Аммо Матея клубга жуда истиқболли ҳужумчи мақомида ўтганди.
Холид Булаҳруз (2006/2007)
Булаҳруз ҳимоячи позициясига хос бўлмаган 9-рақамни танлади ва клубда муваффақиятга эриша олмади: тиззасидан олган жароҳати туфайли кўп учрашувларни ўтказиб юборди, кейин эса унга пул тикишмади.
Стив Сидвелл (2007/2008)
Бу ярим ҳимоячи Булаҳруз ижарага кетганидан сўнг дарҳол 9-рақамни эгаллади ва "Челси"да муваффақият қозона олмади. У асосан захирадан майдонга тушди ва чемпионатда бирорта ҳам гол урмади.
Франко Ди Санто (2008–2010)
Кейинги лаънатланган футболчи Франко Ди Санто бўлди. Ўйинчи мавсум давомида “Челси”да бирорта ҳам гол урмади, кейин эса ўйин амалиёти учун ижарага кетишга мажбур бўлди.
Фернандо Торрес (2011–2015)
Торресга 50 миллион евро тўланган, аммо бу трансфер муваффақиятли бўлмади. Клубда Фернандо Чемпионлар лигаси ва Европа лигасида ғолиб чиқди, аммо у кам гол урди ва жамоанинг муҳим қисмига айлана олмади.
Радамель Фалькао (2015/2016)
Бир мавсум давомида Фалькао кейинги сотиб олиш ҳуқуқи билан "Челси"га ижарага ўтди, аммо жамоанинг асосий таркибига кира олмади.
Алваро Мората (2017–2020)
Янги роль ва янги шароитлар Моратага "Челси"да муваффақиятли ўйнашга имкон бермади. Ҳатто туғилган куни шарафига лаънатланган рақамни 29 га ўзгартириш унга ҳам ёрдам бермади.
Гонсало Игуаин (2019)
Игуаин "Челси"да атиги олти ой ижарада ўйнади: шартнома сотиб олиш опцияси билан тузилган. Аммо Гонсало Лондонда ажралиб турмади ва июль ойида кетди.
Ромелу Лукаку (2021 йилдан ҳозиргача)
Бир йил олдин Лукаку "Челси"да тўққизинчи рақамни олди, аммо бу унга бахт келтирмади. Англия чемпионатида бир мавсумда атиги саккизта гол, мураббий билан жанжал ва натижада "Интер"га қайтиб кетиши мумкин.
