"Барселона" "Севилья" ҳимоячиси Жюл Кундени ижарага олмоқчи, деб хабар беради El Mundo Deportivo.

Манбага кўра, Каталония клуби футболчининг бир йиллик ижараси учун 23 миллион евро таклиф қилган. Шу билан бирга, "Барселона" шартномага 40 миллион еврога мажбурий сотиб олиш варианти киритилишини истамоқда. Бу вариант "Севилья"га мос келиши мумкин, чунки андалусияликлар Кунденинг собиқ клуби "Бордо"га ижара суммасининг 10 фоизини бериши шарт эмас.

23 ёшли Кунде ўтган мавсумда "Севилья" сафида барча турнирларда 43 та ўйинда майдонга тушиб, 3 та гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.