"Бавария"нинг янги аъзоси Садио Мане ўзининг Сенегалдаги машҳурлиги ҳақида гапирди. Бундан ташқари, африкалик футболчи ўз орзуси ҳақида гапирди.
“Мен майдонга тушган куним Сенегалда дам олиш куни бўлади. Бу кунда ҳеч ким ишламайди. Ҳамма мени телевизорда томоша қилмоқда. "Бавария"да таркибида майдонга тушган куним ватанимда ҳеч ким ишламайди.
Менинг орзум? "Бавария" билан барча мумкин бўлган чемпионликни қўлга киритмоқчиман", - дея ҳужумчининг сўзларини келтиради клуб матбуот хизмати.
Мане шу ҳафта бошида мюнхенликлар билан шартнома имзолади. Томонлар ўртасидаги келишув 2025 йилнинг ёзига қадар мўлжалланган. Германияга кўчиб ўтишдан олдин Садио "Ливерпул"да олти йил ўйнаган.