Андер Эррера мураббийлар алмашинуви туфайли "ПСЖ"ни беқарор клуб деб ҳисобламайди.
Олдинроқ жамоани Маурисио Почеттино ўрнига Кристоф Гальте бошқариши хабар қилинганди.
- Балки "ПСЖ"га мураббийлар борасида барқарорлик етишмаётгандир?
- Йўқ. Одамлар "ПСЖ" ҳақида гапиришади, чунки одамлар клуб ҳақида гапиришни яхши кўрадилар. Кўп жамоаларда ўзгаришлар бор, беқарорлик ҳақида гапирилмайди. "Тоттенхэм", "Интер"да нечта мураббий алмашди? Ёки "Барcелона"да?
"ПСЖ" ҳамманинг оғзида ва биз буни қабул қиламиз, лекин менимча, мураббий ўзгариши барқарорлик йўқлигидан далолат бермайди. Мураббий ўзгартирсангиз ҳам лойиҳани сақлаб қолиш мумкин", - деди парижликлар ярим ҳимоячиси.













