Ярим ҳимоячи Алексей Миранчук ёзги трансфер ойнасида “Аталанта”ни тарк этиши мумкин. "Торино" россиялик футболчига фаол қизиқиш билдирмоқда, деб хабар беради CalcioAtalanta.
Турин клуби ярим ҳимоячини ижарага олишга тайёр. Шу билан бирга, Турин клуби Миранчукни сотиб олиш ҳуқуқини шартномага киритиш ниятида. Аммо "Аталанта" бу шартларга кўнмоқчи эмас.
Миранчук 2020 йилнинг сентябрида “Локомотив”дан “Аталанта”га кўчиб ўтганди. 2021/22 йилги мавсумда ярим ҳимоячи жамоа сафида 25 та ўйинда қатнашиб, 2 та гол ва 5 та голли узатмани амалга оширган.
Миранчукнинг клуб билан шартномаси 2024 йилнинг ёзига қадар мўлжалланган. Transfermarkt.com портали футболчини 10 миллион еврога баҳоламоқда.
