"ПСЖ" футболчиси Анхель Ди Мария Аргентина терма жамоасининг 2022 йилги жаҳон чемпионати учун қайдномасига киритилмаслигидан хавотирда эканлигини айтди.
“Қайдномада ўрни кафолатланган ягона шахс - Лионель Месси. Улар эълон қилинишига тахминан 4 ой қолди. Агар бугун жаҳон чемпионати бошланса, мен таркибда бўлардим, аммо ҳозирча мен учун ҳеч нарса ҳал қилинмаган. Мен клубларни ўзгартиришим, янги шароитларга мослашишим, ўйнашим ва ўзимни яхши ҳис қилишим керак. Янги шароит ва ҳолатлар вазиятга жиддий таъсир кўрсатиши мумкин", - дея Ди Мариянинг сўзларини келтиради TNT Sports.
Аввалроқ, "ПСЖ" билан шартномаси шу йилнинг июнь ойи охирида якунига етадиган 34 ёшли футболчи "Ювентус" таклифини кўриб чиқаётгани ҳақида хабар берилганди.