Хабарингиз бор эртага мамлакатимиз миллий терма жамоаси ЖЧ-2014 саралаш мусобақалари 4-босқичи илк учрашувини Эрон терма жамоасига қарши Тошкентдаги "ЖАР" стадионида ўтказади.
Эртага 19:00 дан бошлаб, маълум сабабларга кўра стадионга ташриф буюра олмаган барча футбол ишқибозлари ушбу ўйинни "Спорт" телеканали орқали томоша қилишади.
Ушбу ўйин "ЖАР" стадионида "Насаф" ПФКга тегишли Германиядан келтирилган HD кўчма телевизион станция (КТС) орқали тасвирга олинади ва эфирга узатилади.
КТС ва унга хизмат қиладиган ходимлар Туробжон Ҳайдаров бошчилигида кеча Тошкент шаҳрига етиб келишган ва ҳозир стадионда ана шу HD КТС ва камераларни монтаж ва созлаши ишлари кетаяпти.
Ўзбекистон телерадиокомпанияси "Спорт" телеканали билан "Насаф" ПФК нинг ўзаро ҳамкорлиги эвазига, биз мухлислар эртага бўладиган учрашувни, ушбу КТС орқали HD форматида тасвирга олинган ҳолдаги сифатли кўрсатуни томоша қилиш бахтига муяссар бўламиз.
Биз ўз ўрнида, юртимиздаги футбол ишқибозлари учун экран ортида меҳнат қилаётган барча телеведения ходимларига миннатдорчилик изҳор этиб қоламиз.
