“Ювентус” ярим ҳимоячиси Поль Погба билан шартнома имзолаш бўйича келишувга эришди. Бу ҳақда таниқли инсайдер Фабрицио Романо хабар берди.
Қайд этилишича, жамоада июль ойи бошида Поль Погбанинг қайтишини эълон қилиш учун барча ҳужжатлар мавжуд. Франциялик футболчининг маоши бир мавсум учун 8 миллион евро ва бонуслардан иборат бўлади.
Эслатиб ўтиш мумкин, Поль шартнома муддати тугаши сабабли “Манчестер Юнайтед”ни эркин агент сифатида тарк этади.
Бундан аввал “Манчестер Юнайтед” Погбага ҳафтасига 300 минг фунт маош таклиф қилгани ҳақида хабарлар пайдо бўлган эди.
