Мамлакат миллий чемпионатининг 11-туридан қолдирилган “Олимпик” жамоасига қарши учрашув “Металлург”нинг тўлиқ устунлиги остида ўтди. Аммо ҳужумларни якунлаш, қулай вазиятлардан фойдаланиш борасида омад бекободликлардан юз ўгирди.

Майдон эгалари ўйин дебютидаёқ ҳисобни очишлари мумкин эди. Русланбек Жияновнинг жарима майдони ичида тўпни қўли билан ўйнаши оқибатида “Олимпик” дарвозаси томон 11 метрлик жарима зарбаси белгиланди. Аммо пенальтини Дамир Темиров аниқ амалга ошира олмади. Ярим ҳимоячи тепган тўпни Шукрон Йўлдошев қайтарди.

Шундан кейин ҳам "Метуллург"да гол киритиш учун кўплаб вазиятлар туғилди. Бироқ меҳмонлар ҳимоя чизиғи вакиллари ҳамда дарвозабонининг ишончли ўйини мезбонларнинг уринишларини чиппакка чиқарди. Меҳмонлар қарши ҳужум тактикасини танлашди. Улар ҳам албатта қараб туришмади. Бир сафар Акмал Ортиқов тошкентликларнинг яккама-якка чиққан вазиятида жамоасини голдан қутқарди. Шу тариқа ўйинда ҳисоб очилмади ва жамоалар ўз ҳисобларига битта очкони ёздириб қўйишди.

Coca-Cola Суперлига.
11-турнинг қолдирилган учрашуви
МЕТАЛЛУРГ – ОЛИМПИК – 0:0
26 июнь 2022 йил. Бекобод. "Металларг" марказий стадиони.
Голга айланмаган пенальти: Дамир Темиров 5 (дарвозабон).
"Металлург": 87.Акмал Ортиқов, 5.Аббос Отахонов (6.Худойшукур Сатторов, 46), 7.Ислом Исоқжонов (10.Шоҳназар Норбеков, 58), 8.Саламат Қуттибоев (с), 9.Забиҳилло Ўринбоев, 11.Дамир Темиров, 14.Аброр Тошқўзиев (19.Эргаш Исмоилов, 70), 22.Шаҳзодбек Ғофурбеков (18.Фозил Мусаев, 46), 27.Ихтиёр Тошпўлатов, 80.Фаррух Иброҳимов, 94.Фарҳод Бекмуратов.
Захира: 12.Александр Лобанов, 99.Владимир Вагин, 16.Жасур Холтўраев, 25.Шаҳзоджон Неъматжонов, 26.Ҳакимхон Аламхонов.
“Олимпик”: 1.Шукрон Йўлдошев, 2.Саидазамат Мирсаидов, 5.Муҳаммадқодир Ҳамралиев, 6.Бекзод Шамсиев (с), 7.Русланбек Жиянов (9.Темур Мамасидиқов, 59), 10.Фаррухбек Мухторов (77.Даврон Анваров, 59), 11.Отабек Жўрақўзиев (22.Пўлатхўжа Холдорхонов, 90+3), 19.Достонбек Турсунов, 23.Абдурауф Бўриев, 37.Алишер Одилов (99.Муҳаммадали Ғиёсов, 74), 70.АбубакрРизо Турдиалиев (21.Муҳаммадазиз Иброҳимов, 74).
Захира: 12.Владимир Назаров, 4.Элдорбек Бегимов,  44.Шаҳзод Тоиров, 47.Ҳумоюн Шербўтаев.
Огоҳлантиришлар: Аброр Тошқўзиев 23, Забиҳилло Ўринбоев 44, Исломбек Исоқжонов 45+3, Абдурауф Бўриев 73, Муҳаммадазиз Иброҳимов 88, Фарҳод Бемуротов 90+1.
Четлатиш: Муҳаммадазиз Иброҳимов 90+4 (2СК).
Ҳакамлар: Раҳимбек Каримов, Обид Жумаев, Жасур Рустамов, Ҳусан Музаффаров.
Назоратчи: Дмитрий Роман
Комиссар: Бекзод Арипов
VAR ҳаками: Аскер Нажафалиев
VAR ассистенти: Кристина Середа.