"Барселона"нинг собиқ бош мураббийи Роналд Куман ўз ҳамюрти, 25 ёшли ярим ҳимоячиси Френки де Йонгнинг кетиши мумкинлиги ҳақидаги миш-мишларга изоҳ берди.

"Мен билганим шуки, Френки "Барса"да қолишни хоҳлайди. У бир неча кун олдин менга ушбу клубда ўйнашни давом эттиришни истаётганини айтди. "Барса" уни сотмоқчими ёки йўқлигини билмайман, лекин уларга пул кераклиги мантиқан тўғри келади ва Де Йонг яхши пул олиши мумкин бўлган кам сонли футболчилардан бири", - дея Куманнинг сўзларини келтиради Sport.es.

Де Йонг ўтган мавсумда "Барселона" сафида Ла Лигада 32 та ўйинда майдонга тушиб, 3 та гол урди ва 3 та голли узатмани амалга оширди.