"Манчестер Сити" ҳужумчиси Габриэль Жезус бугун, 28 июнь куни Лондоннинг "Арсенал" клубига ўтишдан олдин тиббий кўрикдан ўтади. Бу ҳақда журналист Фабрицио Романо ўз твиттерида хабар берди.
Манбага кўра, бразилиялик ҳужумчи аллақачон Лондонга етиб борган ва тез орада "канонирлар" 25 ёшли ҳужумчининг трансферини расман эълон қилади.
Олдинроқ Габриэль Жезуснинг трансфер суммаси 52 миллион еврони ташкил қилиши хабар қилинганди. Қайд этилишича, Бразилия терма жамоаси ҳужумчиси Лондон клуби билан 2027 йилгача шартнома тузмоқчи.