Кўринишидан, "Манчестер Сити" ҳимоячиси Александр Зинченко кейинги мавсумда жамоада қолади. Caught Offside маълумотларига кўра, "шаҳрликлар" яқинда футболчини Лондоннинг "Арсенал" клубига сотишдан бош тортган. Қайд этилишича, жамоа бош мураббийи Хосеп Гвардиола украиналик футболчини бошқа клубга қўйиб юбориш ниятида эмас.
Лондоннинг "Челси"си ҳақидаги миш-мишларга келсак, "кўклар" украиналик футболчини трансфер қилиш бўйича ҳеч қандай таклиф билан чиқмаган. Катта эҳтимол билан, бу миш-мишлар ҳақиқат эмас.
"Арсенал" ўз навбатида Зинченкони қўлга киритиб, футболчини ярим ҳимояда ишлатмоқчи эди. Бу ғояни шахсан "канонирлар" бош мураббийи, украиналик футболчи Хосеп Гвардиоланинг ёрдамчиси бўлганида "Манчестер Сити"да бирга ишлаган Микель Артета илгари сурган.
