ЖЧ саралаш IV босқичининг 1-туридаёқ Эронга қарши ўйинда мағлубият аламини тортиб кўрган Ўзбекистон терма жамоасининг бош мураббийи Вадим Абрамов истеъфога чиқарилди.
Хабарларга кўра, Ўзбекистон футбол федерациясида президент Мираброр Усмонов ва терма жамоа вакиллари иштирокидаги учрашув якунланди. Учрашув якунига кўра, Вадим Абрамов ўрнига терма жамоага Миржалол Қосимов бош мураббий этиб тайинланган.
Маълум бўлишича, "Бунёдкор" билан навбатдаги машғулотни ўтказаётган бир пайтда ЎФФ дан чақирув бўлган ва ушбу тайинловдан хабардор қилинган.
Эслатиб ўтамиз, Миржалол Қосимов 2008 йилда, ЖЧ-2010 саралашининг тўртинчи босқичида Инилеев ўрнига тайинланганди. У 2010 йилнинг март ойигача терма жамоани бошқарди, 14 маротаба терма жамоамизни расмий ва ўртоқлик ўйинларида олиб тушган. Тўрт ғалаба, олти дуранг ва олти мағлубият. 2010 йилнинг март ойида айнан Вадим Абрамов Қосимов ўрнига тайинланганди.
