"Барселона" президенти Жоан Лапорта Каталония клуби ҳимоячиси Жерар Пикенинг хонанда Шакира билан ажрашганидан сўнг аҳволи ҳақида гапирди. Унга кўра, 35 ёшли испаниялик қийналмоқда.
"Жерар азоб чекаётган оддий одам. Бизнинг тасаввуримизча, футболчиларда шон-шуҳрат, пул ва биз ёқтирадиган ҳамма нарса бор, лекин улар одамлар, Жерар эса ажойиб инсон. Пике сардорлардан бири, унга жуда омад кулиб боқди ва у "Барселона"га кўп нарса берди.
Ёш болаларнинг отаси бўлиб, ўзи шундай ҳолатларга учраганига қарамай, мухлисларнинг барча қўллаб-қувватлаши ва меҳрига лойиқ. Уни ҳис-туйғулари йўқ, бепарво одамга ўхшатишга ҳаракат қиладиган янгиликларга қулоқ солманг", деди клуб президенти.
Эслатиб ўтамиз, Пике ва Шакира 12 йиллик муносабатлардан сўнг ажралишди. Футболчи хонандани алдагани ҳақида хабар берилган эди.
