Ҳужумчи Неймар шу ёзда "ПСЖ"ни тарк этмоқчи, чунки у клубда ўзини ноқулай ҳис қилмоқда, дея хабар беради Le Parisen.

Аввалроқ Неймар Парижни Носир Ал-Хелайфи билан суҳбати туфайли тарк этиши мумкинлиги ҳақида хабар берилганди.

"ПСЖ" раҳбари Неймарнинг ёзги трансфер ойнасида кетиши эҳтимоли ҳақида шундай деди: "Биз барча футболчилардан ўтган мавсумдагидан кўра кўпроқ ҳаракат қилишларини кутамиз. Яна кўп! Уларнинг барчаси 100 фоиз борларини беришлари керак. Келгуси мавсумда мақсад аниқ: ҳар куни 200% ишлаш”.

Неймар ўтган мавсумда "ПСЖ" сафида 28 та ўйинда майдонга тушиб, 13 та гол урди ва 8 та голга ассистентлик қилди.

30 ёшли бразилиялик 2017 йилдан буён "ПСЖ"да ўйнаб келмоқда. Жамоа таркибида футболчи тўрт карра Франция чемпиони бўлди, уч марта мамлакат кубогини қўлга киритди.

Ҳужумчининг клуб билан шартномаси 2025 йилнинг 30 июнига қадар мўлжалланган.