"Манчестер Юнайтед" ва "Барселона" клублари каталониялик ярим ҳимоячи Френки де Йонгнинг трансфер нархи борасида келишувга эришди.

Бу ҳақда журналист Фабрицио Романо ўзининг телеграм-каналида маълум қилди.

Манкунианликлар нидерландиялик ярим ҳимоячининг трансфери учун 65 миллион евро тўлайдилар, "Барселона" яна 20 миллионни бонус сифатида олиши мумкин. Энди “қизил иблислар” де Йонг билан шахсий шартнома шартларини муҳокама қилишни бошлайди.

25 ёшли Френки ўтган мавсумда "Барселона" сафида 46 та ўйинда майдонга тушиб, 4 та гол урди ва 5 та голли узатмани амалга оширди.