Хабарингиз бор, Наманган вилояти ҳокими, вилоят футбол ассоциацияси президенти Шавкат Абдураззоқов ва “Навбаҳор” ПФК раҳбарияти томонидан жамоамиз мухлислари учун кўплаб қулай шарт-шароитлар яратиб берилмоқда. Зеро, футбол ишқибозлар учун ўйналади.

"Лочинлар" Coca Cola Суперлигасининг 13-туридан ўрин олган баҳсда АГМК меҳмони бўлади. Вилоят раҳбари ташаббуси билан “Навбаҳор” ПФК раҳбарияти яна бир хайрли ишга қўл урди, яъни, жамоанинг мазкур учрашувига мухлислар Олмалиқ шаҳрига бориб–келишлари учун клуб раҳбарияти томонидан бепул автомашиналар ажратилди.

“Лочинлар”ни Олмалиқ шаҳрида қўллаб-қувватлашга борадиган мухлисларнинг  1 июль куни соат 14:00 да “Навбаҳор” уй учрашувларини ўтказадиган Наманган шаҳар, Давлатобод туманидаги “Марказий” стадиони олдига йиғилишлари сўралади. Сўнгра улар ўзлари учун ажратилган махсус автоуловларда Олмалиқ шаҳрига жўнаб кетишади.

Эслатиб ўтамиз, АГМК – “Навбаҳор” баҳси 1 июль куни соат 20:00да старт олади.

“Навбаҳор” ПФК матбуот хизмати.