"Лацио" бош мураббийи Маурицио Сарри мавсумолди тайёргарлик жараёнларидан норозилигини билдирди.
"Таътилдан кейин бутун жамоа тайёр бўлишини истардим, аммо замонавий футболда бунинг иложи йўқ. Бир йили Миллатлар лигасини, кейинги йили Европа чемпионатини, кейин жаҳон чемпионатини ўтказасиз. Шундай қилиб, биз таътилдан 10 нафар асосий жамоа ўйинчиси ва 10 нафар академия ўйинчиси билан чиқамиз. Қолганларнинг ҳаммаси кейинроқ қўшилади.
Трансфер бозоридаги ишларимиз юзасидан клубга нима дейишим кераклигини аллақачон айтгандим. Энди бу спорт директори ва президентнинг муаммоси", - дея мураббийнинг сўзларидан иқтибос келтиради Football Italia.
