Бугун эрталаб истеъфога чиқарилгани бутун Осиё қитъаси бўйлаб тарқалган Ўзбекистон терма жамоасининг собиқ бош мураббийи Вадим Абрамовга аллақачон чет давлатлардан таклифлар бўлмоқда.
Тасдиқланмаган маълумотларга кўра, ана шундай таклифлардан бири – Қатарнинг "Ал-Ғаррафа" клубидан келиб тушган.
Тугаллаб бўлинган Қатар юлдузлар лигасида "Ал-Ғаррафа" 6-ўрин билан кифояланган ва жамоа раҳбарияти бразилиялик мураббий Паулу Силас билан ортиқ ишлашдан маъно кўрмаётганга ўхшамоқда. Гарчи клуб Қатар Амири кубогини ютиб, ОЧЛ-2013га бериладиган йўлланмалардан бирига эга чиққан бўлса-да.
Аксарият кузатувчилар Вадим Абрамов Тошкентнинг "Локомотив" клуби бошқарувига келиши мумкинлигини тахмин қилишаётган эди. Бироқ, "темирйўлчилар" клуб бош мураббийлигига Валерий Немпомняшчийни таклиф этиш борасида жиддий иш бошлаб қўйишгани ҳақида тасдиқланмаган миш-мишлар бор.
