"Эвертон" ҳужумчиси Ришарлисон "Тоттенхэм"га кўчиб ўтди, деб хабар беради клуб расмий сайти.
25 ёшли бразилиялик билан келишув 2027 йилнинг ёзига қадар тузилган
"Шпорлар" ҳужумчи учун 50 миллион фунт тўлаши хабар қилинганди. Яна 10 миллиони бонуслар шаклида тақдим этилади.
Ришарлисон ўтган мавсумда "ирислар" учун барча мусобақаларда 33 ўйинда 11 та гол урди ва 5 та голли узатмани амалга оширди. Унинг клуб билан шартномаси 2024 йилнинг 30 июнигача тузилган эди.