23 ёшли португалиялик вингер Жота "Бенфика"дан Шотландиянинг "Селтик" клубига ўтди. Sky Sports хабарига кўра, шартнома тўрт йилга тузилган.
Футболчи ўтган мавсумни Португалия клубидан ижара асосида Глазго жамоасида ўтказган.
Жота "Бенфика" академиясининг битирувчиси. 2020/2021 йилги мавсумда у ижара асосида "Вальядолид"да ўйнаган.
Футболчи ўтган мавсум барча мусобақаларда 27 та гол урган.
Шотландия клуби ижара шартномасида кўрсатилган Жотани сотиб олиш имкониятидан унумли фойдаланди. "Селтик" вингер учун 7,4 млн евро тўлайди.
Жота Португалиянинг турли ёшдаги ёшлар терма жамоаларида ўйнаган.
Келаси мавсумда “Селтик” Чемпионлар лигаси гуруҳ босқичида иштирок этади.
