"Ньюкасл"нинг янги футболчиси Свен Ботман яқинда Англия Премьер-лигасида 9-мавсумини бошлайдиган ҳамюрти Виржил ван Дейкнинг ўйини ҳақидаги таассуротлари билан ўртоқлашди.
“Мен ван Дейкга, айниқса, унинг танасини бошқаришига қойил қоламан. Лекин жуда тез. Мен унинг қандай ҳаракат қилишини ва Серхио Агуэро каби кичик ҳужумчиларга қарши қандай ўйнашини кузатишни яхши кўраман", - деди Ботман The Athletic билан суҳбатда.
Эслатиб ўтамиз, Ботман "Ньюкасл"га 36 миллион евро эвазига кўчиб ўтган эди. Футболчи Нидерландия терма жамоаси сафида ҳали бирорта ҳам ўйин ўтказмаган. Аввалроқ унинг хизматларига Италиянинг "Милан" клуби фаол қизиқиш билдираётганди.













