Лондоннинг "Арсенал" клуби собиқ ҳужумчиси Эммануэлл Адебайор россиялик собиқ жамоадоши Андрей Аршавинни ажойиб футболчи деб билади.

“Аршавин ажойиб футболчи. У ажойиб, ақл бовар қилмайдиган футболчи. Ҳеч қачон босим сезмайдиган футболчи. Мен унга маслаҳат беришга ҳаракат қилдим, биз "Арсенал"да жуда яқин эдик. У йў жойдан вазиятларни яратиш қобилиятига эга.

У ҳеч қачон босим ҳис қилмаган бўлса-да, доимо муҳим ўйинларда бор эътиборини жамлади ва кўп машқ қилди, бир хил юқори савияда ўйнади.

У иқтидорли футболчи. Агар "Энфилд"да "Ливерпуль" дарвозасига тўртта гол урсангиз, бу футболдаги энг қийин нарса ва бу паст бўйли футболчи буни уддасидан чиқди. У ўзига хос ўйинчи эди" - деди Аршавиннинг "Арсенал"даги собиқ жамоадоши.