Миланнинг “Интер” клубига ўтган арманистонлик ярим ҳимоячи Генрих Мхитарян икки мавсум ўтказган “Рома” билан хайрлашди.
"Рома" ўзига хос клуб, аммо хайрлашиш вақти келди. Клубнинг барча ходимларига катта раҳмат айтмоқчиман. Шунингдек, менга ишонч билдирган ва қўшимча мотивация берган Жозе Моуриньога ҳам катта раҳмат. Римликлар учун ўйинларда ўзимни тўлиқ кучимни бердим. Бу жамоада ўйнаш мен учун шараф эди”, - дейилади футболчининг ижтимоий тармоқлардаги хабарида.
Мхитарян “Рома” билан биргаликда ўтган мавсумда Конференциялар лигасида ғолиб чиққанди.
